Pas një takimi me Zëvendës Ndihmës Sekretarin e Shtetit të SHBA-së, Gabriel Escobar, anëtari i Presidencës Serbe, Milorad Dodik tha të hënën se lufta nuk ishte një opsion për zgjidhjen e ndonjë çështjeje në Bosnje dhe Hercegovinë dhe se të gjitha proceset duhet të jenë politike.

“As unë dhe askush nga Republika Srpska nuk bëri thirrje për luftë si opsion dhe në këtë aspekt ne absolutisht pajtohemi që paqja dhe stabiliteti duhet të ruhen”, citohet të ketë thënë Dodik, përcjell Telegrafi.

Sidoqoftë, ai ka theksuar se “RS do të vazhdojë të kujdeset për veten, sepse kjo është mënyra e vetme për të ruajtur Bosnjën dhe Herzegovinën kushtetuese”.

Në këtë drejtim, ai ka thënë se Republika Srpska nuk do të heqë dorë nga synimet e saj për kthimin e kompetencave në disa fusha,… dhe në gjashtë muajt e ardhshëm qeveria do të përgatisë legjislacionin e ri.

Ndërsa duke folur për Marrëveshjen e Dejtonit, ai nënvizoi se në parim nuk ka probleme me Escobarin për këtë çështje.

Ndryshe, zyrtari i lartë amerikan gjatë ditës ka takuar edhe dy anëtarët tjerë të Presidencës trepalëshe të Bosnjës.

By admin

Leave a Reply

Your email address will not be published. Required fields are marked *